Plantun de Prouvènço

Pèr coumpara dos planto d'encò nostre

Juniperus thurifera & Corispermum gallicum

Chai

Juniperus thurifera

Cupressaceae

Noms en français : Genévrier thurifère, Porte-encens.

Descripcioun :
Aquéu chai (noum generi dóu genèbre en mountagno) trachis sus li pendis secarous e cauquié à l'adré d'ùni mountagno. Douno d'èr au mourvèn emé si fueio en escaumo, pamens pòu deveni un pichot aubre. Se destrìo tambèn de la sabino que si grano soun pu grosso (1 cm de diamètre en liogo de 0,5 cm). Lou chai es uno reliclo dóu tèms ounte fasié mai fre e pu se en Éuroupo (-10 000 an B.P.). Trachis forço lentamen.

Usanço :
Soun bos s'apourridis quàsi pas talamen èi dur. Servié à faire de piquet, de cop que i'a de pichòti fusto, de moble o de pichòti besougno (porto-encèns).

Port : Aubret
Taio : 1,5 à 10 m
Fueio : aguio escaumo
Tipe bioulougico : Faneroufite
Cicle bioulougico : Planto renadivo

Gènre : Juniperus
Famiho : Cupressaceae

Ordre : Pinales

Coulour de la flour : Jauno
Petalo : ges
Ø (o loungour) enflourejado : 5 à 10 mm
Flourido : Printems

Sòu : Ca
Autour basso e auto : 400 à 1700 m
Aparado : Noun
Mars à mai

Liò : Roucaio - Pendis roucaious - Baus
Estànci : Mountagnard
Couroulougi : Mediterrano-Mountagnouso
Ref. sc. : Juniperus thurifera L., 1753

Corisperme(-de-Franço)

Corispermum gallicum

Amaranthaceae Chenopodiaceae

Nom en français : Corisperme de Françe.

Descripcioun :
Lou courisperme-de-Franço es uno planto proun raro dóu mounde qu'es endemico de Prouvènço e d'Itàli. Trachis dins la sablo boulegadisso, en ribo de mar subretout. Se pòu pamens trouva dins li ribiero de Durènço e dóu Cavaloun. Es uno planto bèn drecho e proun ramificado, emé de fueio alterno de 1,5 à 4 mm de larg, de péu estela e de pichòtis enflourejado en espigo. Li flour soun mistoulino (1 mm), lis akène (2 mm) soun plat e un pau ala à bord transparènt.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Corispermum
Famiho : Amaranthaceae
Famiho classico : Chenopodiaceae

Coulour de la flour : Verdo
Petalo : 5
Ø (o loungour) flour : 1 mm
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Vo
Remarco : Endemico de Prouvènço e d'Itàli
Avoust à óutobre

Liò : Sablo - Mar - Ribiero
Estànci : Mesoumediterran à Coulinen
Couroulougi : Éurimediterranenco-Nord-Ouèst
Ref. sc. : Corispermum gallicum Iljin, 1929 (= Corispermum hyssopifolium auct. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

ges

Juniperus thurifera & Corispermum gallicum

ges

Coumpara Chai emé uno autro planto

Coumpara Corisperme(-de-Franço) emé uno autro planto